काठमाडौँ । महेश बस्नेत ले वर्तमान सरकारले राजनीतिक प्रतिशोध साँधेको आरोप लगाउँदै पार्टी अध्यक्ष केपी शर्मा ओली लाई तत्काल रिहाइ गर्न माग गर्नुभएको छ ।
पार्टी केन्द्रीय कार्यालय च्यासल मा सञ्चारकर्मीहरूसँग कुरा गर्दै बस्नेतले सरकारले युवाहरूको समृद्धि, विकास, सुशासन र रोजगारीप्रतिको चाहनामाथि प्रहार गरेको दाबी गर्नुभयो । उहाँका अनुसार सरकारले बालुवाटारबाट गरेका पछिल्ला निर्णयहरू ‘घृणायुक्त’ र ‘प्रतिशोधपूर्ण’ छन् ।
उहाँले सरकारले तत्काल निर्णयहरू फिर्ता लिनुपर्ने माग गर्दै पार्टी अध्यक्ष ओली तथा पूर्वगृह मन्त्रीलाई रिहा गर्न आग्रह गर्नुभयो । साथै, गौरीबहादुर कार्की नेतृत्वको जाँचबुझ आयोगको प्रतिवेदन आफूहरूले स्वीकार नगर्ने पनि स्पष्ट पार्नुभयो ।
ओली र अन्य नेताको गिरफ्तारीपछि एमालेले सडक आन्दोलन सुरु गरिसकेको छ, जसले देशको राजनीतिक वातावरण थप तनावपूर्ण बनाएको छ ।
