काठमाडौं । राष्ट्रिय स्वतन्त्र पार्टी (रास्वपा) ले संसदीय दलको नेतामा बालेन शाह लाई सर्वसम्मत रूपमा चयन गरेको छ ।
पार्टीका सभापति रवि लामिछाने को प्रस्तावमा शाह दलको नेतामा चयन भएका हुन् ।
घण्टीघरमा बसेको केन्द्रीय समितिको बैठकले यसअघि नै शाहलाई दलको नेता बनाउने प्रस्ताव सर्वसम्मत पारित गरेको थियो । सोही प्रस्तावका आधारमा उनलाई संसदीय दलको नेतामा चयन गरिएको पार्टीले जनाएको छ ।
रास्वपाका प्रवक्ता मनिष झाले का अनुसार सभापति लामिछानेको प्रस्तावमा कुनै विरोध नआएपछि शाह सर्वसम्मत रूपमा चयन भएका हुन् ।
बैठकले शाहलाई दलको नेता चयन गर्दै सम्पन्न भएको छ भने अब संसदीय दल र केन्द्रीय समितिको संयुक्त बैठक बस्ने तयारी भइरहेको पार्टीले जनाएको छ ।
