काठमाडौं । आजदेखि चैत्र नवरात्रको पर्व विधिपूर्वक सुरु हुँदैछ। राजधानीको हनुमानढोका दरबारमा आज बिहान घटस्थापना गरी नवदुर्गा देवीको पूजाआराधना भइरहेको छ। नेपाल पञ्चाङ्ग निर्णायक विकास समितिका कार्यकारी निर्देशक लक्ष्मण पन्थी का अनुसार, घटस्थापनाको लागि आज बिहान ७ः५१ बजे साइत उत्तम रहेको छ। साथै घटस्थापना उत्तर फर्केर गर्ने परम्परा अनुसार आजको साइत निर्धारण गरिएको छ।
चैत्र नवरात्रको अवसरमा देशभरका देवी मन्दिर तथा शक्तिपीठमा पनि भक्तजनको घुइँचो लाग्ने गर्दछ। यस अवसरमा उपासकहरूले विधिपूर्वक पूजा, आराधना र उपासनामा भाग लिन्छन्।
नेपाली परम्परामा वर्षमा चारवटा नवरात्र मनाइन्छ – आषाढ शुक्ल पक्ष, आश्विन शुक्ल पक्ष, पौष शुक्ल पक्ष र माघ शुक्ल पक्ष। यसमा आषाढ र पौष शुक्ल पक्षको नवरात्रलाई लुप्त नवरात्र पनि भनिन्छ।
