आजको पञ्चाङ्ग
वि.सं. चैत ०१, २०८२ । इ.सन् 15 Mar, 2026 । शक संवत् १९४७ । नेपाल संवत् ११४६ (चिल्लागा) । सिद्धार्थी संवत्सर उत्तरायण वसन्त ऋतु । आइतबार चैत्र कृष्णपक्ष । तिथि एकादशी, ०७:२९ बजेपछि द्वादशी । नक्षत्र श्रवण, ०४:४१ बजेपछि धनिष्ठा । योग परिघ, ०९:१७ बजेपछि शिव । करण वालव, ०७:२९ बजेपछि कौलव, १९:५३ बजेउप्रान्त तैतिल । चन्द्रराशि मकर । योग (आनन्दादि) गद । दिनमान ११:५६ । सूर्योदय ६:१६ । सूर्यास्त १८:१२ । दिन विशेष : द्विपुष्कर याेग २८:४१ बजेपछि । चैत्र संक्रान्ति । पापमोचनी एकादशी व्रत । देउपाटनमा देशोद्धार पूजा। सौरमानले रौद्र नामक संवत्सर १३:४२ बजे प्रारम्भ ।

मेष – Aries
चु, चे, चो, ला, लि, लु, ले, लो, अ
प्रतिष्ठित काम गरेर लाेकप्रियता हासिल गर्न सकिनेछ। समाजमा मान-सम्मान बढ्नेछ र नयाँ मान्छेहरूसँग चिनजान हुनेछ। जागिर वा व्यापार गर्नेहरूलाई राम्रो लाभ हुनेछ। भविष्यका लागि कुनै ठुलो कामको जग बसाल्ने सही समय छ। आफूलाई मन परेको काममा लगानी गर्दा राम्रो हुनेछ। उपलब्धि हातपार्दै जीवनशैलीमा परिवर्तन ल्याउने समय छ।
वृष – Taurus
इ, उ, ए, ओ, बा, बि, बु, बे, बो
चुनौतीभित्र अवसर खोज्ने समय छ। नतिजा कमजोर देखिनाले काम दोहोर्याउनुपर्ने हुन सक्छ। आफैँले गरेका बाचाहरू पुरा गर्न गाह्रो हुन सक्छ। स्वास्थ्य अलि कमजोर रहे पनि कामको जिम्मेवारी भने थपिनेछ। तर हार मानिसकेको काम फेरि बन्न सक्छ। अरूको काममा समय बिते पनि केही न केही प्रतिफल पक्का मिल्नेछ। मिहिनेत गर्न नछाेड्नुहाेला।
मिथुन – Gemini
का, कि, कु, घ, ङ, छ, के, को, ह
स्वास्थ्य कमजोर रहनाले जोसजाँगरमा कमी आउनेछ। अरूको झैझगडा वा कुरामा चासो नदिनुहोला, आफैँलाई अप्ठ्यारो पर्न सक्छ। काममा सोचेजस्तो ठुलो सफलता नपाइएला। नयाँ वा जोखिमपूर्ण काम अहिल्यै सुरु नगर्नुहोला। अत्यावश्यक काम सहयोगीका माध्यमबाट गर्न सकिनेछ। शरीर अलि कमजोर हुन सक्छ, विश्राम र खानपानमा ध्यान दिनुहोस्।
कर्कट – Cancer
हि, हु, हे, हो, डा, डि, डु, डे, डो
हाँसखेल र मनोरञ्जनको समय छ। काममा छोटो समयमा फाइदा उठाउन सकिनेछ। दिन निकै उत्साहजनक रहनेछ। परिवारजन र साथीभाइको सहयोगले कामहरू सजिलै बन्नेछन्। रमाइलो यात्रा वा भोजभतेरमा सहभागी भइएला। नयाँ लुगा किन्ने वा राम्रो उपहार हातपार्ने समय छ। अतिथिका रूपमा सम्मान, सत्कार पाइनेछ। मनग्य धनलाभ हुनेछ।
सिंह – Leo
मा, मि, मु, मे, मो, टा, टि, टु, टे
महत्त्वाकांक्षी कार्य शुभारम्भ गर्ने समय छ। विरोधी वा ईर्ष्या गर्ने व्यक्तिहरू आफैँ पछि हट्नेछन्। रोकिएका कामहरू सुचारु हुनेछन्। पैसा कमाउने नयाँ बाटो खुल्न सक्छ। तर आफ्ना योजनाहरू गोप्य राखेर काम गर्नुभयो भने बढी सफलता मिल्नेछ। चुनौती चिर्दै काम बनाउन सकिनेछ। स्वास्थ्य सबल रहनेछ। व्यापारलगायत फाइदा हुने काम प्रारम्भ हुनेछ।
कन्या – Virgo
टो, प, पि, पु, ष, ण, ठ, पे, पो
केही अवसर प्राप्त भए पनि परिस्थितिवश काम राेकिन सक्छ। पेटकाे समस्याले स्वास्थ्य कमजाेर रहनेछ। मन लगाएर पढ्न र काम गर्न नसकिएला। सन्तान वा सहयोगीको साथले सामान्य काम बन्नेछन्। तर, फाइदा कम हुनेछ। आँटेकाे काम अलि ढिलो हुन सक्छ तर धैर्य राख्नुभयो भने सफलता मिल्नेछ। बल प्रयोग गर्नुभन्दा बुद्धि लगाएर काम गर्नुहोला।
तुला – Libra
र, रि, रु, रे, रो, ता, ति, तु, ते
अरूकाे भरमा काम थाल्दा समस्या पर्न सक्छ। हतारमा निर्णय नगर्नुहोला, पछि पछुतो हुन सक्छ। साझेदारसँग पहिले गरिएकाे सम्झौता ताेड्नुपर्ने परिस्थिति आउन सक्छ। घरपरिवारमा पनि मनमाेटाव हुने ग्रहयाेग छ। तर आफैँ जान्ने हुनुभन्दा घरका ठुला मान्छे वा अनुभवी व्यक्तिको सल्लाह मान्दा फाइदा हुनेछ। फाइदाका लागि अनुकूल समय पर्खनुहाेला।
वृश्चिक – Scorpio
तो, ना, नि, नु, ने, नो, या, यि, यु
योजना बनाएर काम थाल्दा राम्रो फाइदा हुनेछ। प्रतिस्पर्धीहरूले हार खानेछन् भने काममा मिहिनेतको फल प्राप्त हुनेछ। प्रयत्न गर्दा राम्रै अवसर जुट्नेछ। साथीभाइले पनि राम्रै सहयोग जुटाउनेछन्। पछिसम्म लाभ हुने काम प्रारम्भ हुनेछ। भौतिक साधन जुट्नाले दिगो योजना प्रारम्भ होला। व्यापारमा मनग्य धनलाभ हुनेछ। सेवामूलक कामबाट प्रतिष्ठा पाइनेछ।
धनु – Sagittarius
ये, यो, भ, भि, भु, ध, फा, ढ, भे
आत्तिने बानीले बोलीको गलत अर्थ लाग्न सक्छ। अरूको मुख ताक्ने बानीले काम अधुरो रहनेछ। हातमा आएको रकम तत्काल खर्चनुपर्नेछ। अरूलाई दिएको वचन पुर्याउन नसक्ता आलोचित बन्नुपर्ला। परिस्थिति सबल नदेखिए पनि मिहिनेतले आशा जगाउनेछ। बुद्धिको उपयोगले केही काम बनाउन सकिनेछ। शुभचिन्तकहरूको भावना बुझ्ने चेष्टा गर्नुहोला।
मकर – Capricorn
भो, ज, जि, खि, खु, खे, खो, गा, गि
नयाँ कामको प्रस्ताव आउनेछ भने साथ दिनेहरू बढ्नेछन्। प्रतिष्ठित काम गर्दै नाम, दाम र इनाम कमाउने बेला छ। रचनात्मक काम प्रारम्भ गर्ने समय छ। सहयोगीहरूले राम्रो साथ दिनेछन् भने पहिलेको सफलताले पनि थप काम गर्न हौसला प्रदान गर्नेछ। बिछोडिएका परिवारजनसँग भेटघाट हुनेछ। रमाइलो जमघटका बीच खानपानको आनन्द प्राप्त हुनेछ।
कुम्भ – Aquarius
गु, गे, गो, सा, सि, सु, से, सो, द
अवसरका लागि केही दौडधुप गर्नुपर्नेछ। आकस्मिक खर्च बढ्नाले अर्थ अभाव देखा पर्न सक्छ। इच्छाविपरीत अरूको करकापमा काम गर्न बाध्य भइनेछ। पछिका लागि केही वस्तु त्याग्नुपर्ने हुन सक्छ। उधारोमा व्यापार गर्नुपर्ला। समय दिन नसक्दा अध्ययनमा पछि परिनेछ। आफन्तबाट टाढिनुपर्ने परिस्थिति आउन सक्छ। प्रयत्न गर्दा यात्राको प्रक्रिया अघि बढ्नेछ।
मीन – Pisces
दि, दु, थ, झ, ञ, दे, दो, च, चि
आयस्रोत राम्रो हुनाले आवश्यक भौतिक साधन जुट्नेछ। सानो कामले पनि राम्रो आम्दानी दिलाउनेछ। श्रमको उचित मूल्य पाइनेछ। व्यापारमा राम्रै फड्को मार्ने समय छ। छोटो समयमै राम्रो उपलब्धि हातलागी हुनेछ। रोकिएको काम बन्नेछ भने जिम्मेवारी समेत बढ्नेछ। अरूका लागि केही रकम खर्च हुनेछ र आफ्ना लागि दिगो काम प्रारम्भ हुनेछ।