काठमाडौं । Unilever Nepal Limited अन्तर्गतको ब्रान्ड Dove ले नेपाली राष्ट्रिय महिला फुटबल टोलीकी कप्तान सावित्रा भण्डारी (साम्बा) लाई उपचार तथा पुनर्स्थापनाका लागि आर्थिक सहयोग गरेको छ ।
डोभले साम्बाको उपचार तथा पुनर्स्थापनाका लागि १५ लाख रुपैयाँ नगद सहयोग प्रदान गरेको जनाएको छ । कम्पनीका अनुसार उक्त सहयोग साम्बाले भोगिरहेको अवरोधलाई पुनरागमनमा रूपान्तरण गर्ने यात्रामा साथ र प्रतिबद्धताको प्रतीक हो ।
गम्भीर घुँडाको चोटपछि उपचार र स्वास्थ्य सुधारको तयारीमा रहेकी कप्तान साम्बाको शीघ्र स्वास्थ्यलाभको कामना गर्दै सहयोग गरिएको डोभले जनाएको छ ।
डोभका अनुसार नेपाली फुटबलकी प्रेरणादायी खेलाडी साम्बाको समर्पण, संघर्षशीलता र उपलब्धिले देशभरिका लाखौं समर्थक मात्र होइन, नेपाल बाहिरका दर्शकहरूलाई समेत प्रेरित गर्दै आएको छ ।
