काठमाडौं । काठमाडौं उपत्यका ट्राफिक प्रहरी कार्यालयले ४७ जना प्रहरीलाई ट्राफिक नियन्त्रण तालिम प्रदान गरेको छ।
राष्ट्रिय प्रहरी प्रशिक्षण प्रतिष्ठान महाराजगन्जको कार्यालयमा सञ्चालित ट्राफिक नियन्त्रण तालिम १५५औं समूह अन्तर्गत उक्त तालिम प्रदान गरिएको हो। उपत्यका ट्राफिक प्रहरी कार्यालयमा मंगलबार आयोजित तालिम समापन कार्यक्रममा प्रमुख प्रहरी वरिष्ठ उपरीक्षक नवराज अधिकारीले प्रशिक्षार्थीलाई पुरस्कार तथा प्रमाणपत्र वितरण गर्नुभयो।
समापन समारोहमा वरिष्ठ उपरीक्षक अधिकारीले तालिमका क्रममा हासिल गरेका ज्ञान र सीपलाई कार्यक्षेत्रमा इमान्दारिताका साथ प्रयोग गर्दै जिम्मेवारी त्रुटिरहित रूपमा निर्वाह गर्नुपर्नेमा जोड दिनुभयो। साथै नागरिकलाई सहज र सुरक्षित ट्राफिक व्यवस्थापनको अनुभूति गराउने गरी काम गर्नुपर्ने उहाँको भनाइ थियो।
तालिम संयोजक प्रहरी नायब उपरीक्षक शैलेश न्यौपानेले तालिमसम्बन्धी प्रतिवेदन प्रस्तुत गर्दै गत मंसिर ७ गतेदेखि सञ्चालन भएको ४५ कार्यदिने तालिममा प्रहरी सहायक हवल्दार ३ जना र प्रहरी जवान ४४ जना गरी जम्मा ४७ जना सहभागी भएको जानकारी दिनुभयो
