एजेन्सी । हङकङको एक विशाल अपार्टमेन्ट कम्प्लेक्समा लागेको आगलागीमा परेर ९४ जनाको मृत्यु र दर्जनौँ बेपत्ता भएका छन् ।
अग्नि नियन्त्रण अधिकारीहरूका अनुसार उक्त आगलागी सहरको लगभग ८० वर्ष यताकै सबैभन्दा भयानक आगलागी हो ।
उत्तरी जिल्ला ताई पोमा रहेको वाङ फुक कोर्ट हाउजिङ कम्प्लेक्समा लागेको आगोलाई अग्नि नियन्त्रकहरूले प्रायः नियन्त्रणमा लिएका थिए । ४,६०० भन्दा बढी मानिसहरू बसोबास गर्ने आठ–टावर इस्टेटको मर्मतसम्भार भइरहेको थियो र बुधवार दिउँसो आगो सुरु हुँदा र द्रुत रूपमा फैलिँदा बाँसको मचान र हरियो जालीले बेरिएको थियो।
अग्निनियन्त्रकहरूले शुक्रवार बिहानसम्ममा अझै पनि धुवाँले ग्रस्त उक्त परिसरमा खोज तथा उद्धार कार्य सम्पन्न हुने आशा व्यक्त गरेका छन्।
