काठमाडौं । कांग्रेस सभापति एवं पूर्वप्रधानमन्त्री शेरबहादुर देउवाका नातेदार भूषण राणाको घरमा प्रहरीले छापा मारेको छ।
केन्द्रीय अनुसन्धान ब्युरो (सीआईबी) बाट खटिएको टोलीले स्थानीय प्रहरीको सहयोगमा ललितपुरको जावलाखेलस्थित राणाको निवासमा घेराबन्दी गर्दै तलासी लिएको हो ।
पारिवारिक स्रोतका अनुसार प्रहरीले घरभित्र रहेका कागजात र अन्य सामग्रीको खानतलासी लिएको छ । केही सामग्री बरामद गरिएको प्रारम्भिक जानकारी प्राप्त भएको छ ।
भूषण राणा पूर्वप्रधानमन्त्री देउवाका साला तथा निवर्तमान परराष्ट्रमन्त्री आरजु राणा देउवाका भाई हुन् । उनीमाथि आरजु राणाको प्रतिनिधिको रूपमा विभिन्न डिलहरूमा संलग्न भएको आरोप लाग्दै आएको छ ।
प्रहरी स्रोतका अनुसार गोप्य सूचना लीक हुन सक्ने शंकाका आधारमा राणाको घरमा छापा मारिएको हो । घटनाबारे विस्तृत विवरण भने सार्वजनिक गरिएको छैन ।
