काठमाडौँ । नेपाल टेलिकमले कानुनबमोजिम दर्ता नभएका सामाजिक सञ्जालहरूलाई बन्द गरिएको जानकारी दिएको छ ।
सरकारको निर्णयअनुसार नेपाल दूरसञ्चार प्राधिकरणको निर्देशनपछि टेलिकमले आज सूचना जारी गर्दै अवैध रूपमा सञ्चालनमा रहेका सामाजिक सञ्जालहरू बन्द गरिएको उल्लेख गरेको हो ।
यसअघि बिहीबारमात्रै सञ्चार तथा सूचना प्रविधि मन्त्रालयले नेपाल दूरसञ्चार प्राधिकरणलाई सूचीकरणमा नआएका सामाजिक सञ्जालहरूलाई बन्द गर्न निर्देशन दिएको थियो ।
सोही निर्देशनअनुसार प्राधिकरणले इन्टरनेट सेवा प्रदायकहरूलाई कार्यान्वयनमा लैजान निर्देशन दिएको थियो ।
यसअघि एनसेलले पनि यस्तै प्रकृया अपनाउँदै दर्ता नभएका सामाजिक सञ्जालहरूमाथि पहुँच अवरुद्ध गरिएको जानकारी दिइसकेको छ ।
