काठमाडौं । पूर्वराष्ट्रपति विद्यादेवी भण्डारीले पत्रकार सम्मेलन गर्दै आफ्नो औपचारिक धारणा सार्वजनिक गर्न लागेकी छन् । पत्रकार सम्मेलन काठमाडौँको बबरमहलस्थित कार्की बैंक्वेटमा आयोजना गरिएको छ ।
भण्डारीले हालै नेकपा एमालेको नवौं केन्द्रीय कमिटी बैठकपछिको अवस्था र आफूलाई सक्रिय राजनीतिमा फर्किन रोक लगाउने निर्णयबारे प्रतिक्रिया दिन पत्रकार सम्मेलन बोलाएकी हुन् ।
एमालेको मंगलबार मध्यराति सम्पन्न बैठकले भण्डारीलाई पार्टीको औपचारिक भूमिकाबाट रोक्ने निर्णय गरेको थियो ।
उक्त निर्णयप्रति सार्वजनिक असहमति जनाउँदै आएकी भण्डारीले पछाडि नहट्ने अडान लिँदै आएकी छन् ।
भोलीको पत्रकार सम्मेलनमार्फत उनले आगामी मार्गचित्र तथा सम्भावित राजनीतिक भूमिकाबारे स्पष्ट धारणा सार्वजनिक गर्ने जनाइएको छ ।
