काठमाडौं । कैलालीको धनगढी उपमहानगरपालिका मेयर गोपाल हमालको भारतको दिल्लीमा उपचार भइरहेको छ ।
मस्तिष्क स्ट्रोकको समस्या देखिएपछि शनिबार धनगढीबाट रेफर गरिएका मेयर हमालको दिल्लीको साकेतस्थित म्याक्स अस्पतालको न्युरोइन्टेन्सिभ केयर आईसीयू र स्ट्रोक युनिटमा उपचाररत छन् । मेयर हमालका भाइ श्याम हमालको दिएको जानकारी उद्धृत गर्दै मेयर हमालको सचिवालयले उपचारको क्रममा चिकित्सकहरूले विभिन्न परीक्षण जारी राखेको छ ।
डाक्टरले ४८ घण्टा निगरानीमा राखेर त्यसपछि आगामी उपचार प्रक्रिया निर्धारण गर्ने जानकारी दिएको उल्लेख छ ।
शुक्रबार राति टाउको दुखेपछि धनगढीको माया मेट्रो अस्पताल भर्ना भएका मेयर हमाललाई अर्को दिन दिल्ली रेफर गरिएको थियो ।
