काठमाडौं । नेपालमा सुनको मूल्यमा उल्लेख्य गिरावट देखिएको छ । पछिल्ला दुई सातामा मात्रै सुन प्रतितोला ८ हजार ८०० रुपैयाँ घटेको हो ।
कात्तिक १५ गते प्रतितोला १ लाख ७१ हजार रुपैयाँमा कारोबार भइरहेको सुनको मूल्य अहिले प्रतितोला १ लाख ६२ हजार २ सय रुपैयाँमा झरेको छ । आज “बुधबार” पनि सुनको मूल्य ४ सय रुपैयाँले घटेको छ । अघिल्लो दिन प्रतितोला १ लाख ६२ हजार ६ सय रुपैयाँमा रहेको सुन आज घटेर १ लाख ६२ हजार २ सय रुपैयाँमा झरेको छ ।
नेपाल सुनचाँदी व्यवसायी महासंघका अनुसार सुनको मूल्यमा आएको यस प्रकारको गिरावट पछिल्लो दुई साताको उच्च गिरावट हो । तर, सुनको मूल्य घट्दै जाँदा चाँदीको मूल्य भने बढेको छ । मंगलबार प्रतितोला १ हजार ९ सय २५ रुपैयाँमा रहेको चाँदी बुधबार बढेर प्रतितोला १ हजार ९ सय ४० रुपैयाँ पुगेको छ ।
