काठमाडौं । काठमाडौंको दक्षिणकालीमा नगरपालिका-८ स्थित केराबारीमा दुई जना मृत अवस्थामा भेटिएका छन् । जिल्ला प्रहरी परिसर काठमाडौंकाअनुसार फेला परेको शव एकजना महिला र अर्को पुरुषको हो ।
मोटरसाइकलबाट खसेर उनीहरूको मृत्यु भएको हुनसक्ने परिसरका एसएसपी वसन्त रजौरेले बताए । घटनास्थल नजिकै बागमती प्रदेश-००२ च-०२७ च ३८१२ नम्बरको मोटरसाइकल भेटिएको छ ।
भिरालो जमिनका कारण शव निकाल्न असहज भएपछि नेपाल प्रहरी विपद् व्यवस्थापन कार्यालय सामाखुसीबाट टोली परिचालन गरिएको छ । बाख्रा चराउन जाँदा स्थानीयले शव देखेपछि प्रहरीलाई खबर गरेका थिए । घटनाबारे प्रहरीले अनुसन्धान थालेको छ ।
