पुष्कर खड्का
काठमाडौं । काठमाडौको पेप्सीकोला स्थित जनयोग तथा ऋण सहकारी संस्थाका सञ्चालक बचतकर्ताको करोडाैँ रकम कुम्ल्याएर फरार भएका छन्।
उक्त सहकारीबाट बचतकर्ताको करिब २० करोड रकम लिएर दाजुबहिनी फरार भएको एक बचतकर्ताले जानकारी दिएका छन् । उक्त सहकारीको सेवा केन्द्र बानेश्वरबाट पुस २६ गते सम्म बचत संकलन गर्न संकलकहरू आएको र त्यसपछि सबै सम्पर्क बिहिन भएको बचतकर्ताले बताएका छन् ।
उनिहरु दुई जनानै फरार भए पछि बचतकर्ताहरूले काठमाडौँ महानगरपालिकामा (मंगलबार) मुद्दा दायर गरेका छन् । दाजु अर्जुन कार्की सहकारीको अध्यक्ष थिए भने बहिनी आस्था कार्की पाण्डेय लोन शाखा प्रमुख थिइन्। उनिहरु दुई जनालाईनै तत्काल सम्पर्कमा आएर बचतकर्ताहरूको पैसा फिर्ता दिनुपर्ने उनीहरूको माग रहेको छ।
