काठमाडौं । स्वास्थ्य तथा जनसङ्ख्या मन्त्रालयले किशोरीहरुलाई पाठेघरको मुखको क्यान्सरविरुद्धको खोप ‘एचपीभी’ आजदेखि लगाउँदै छ ।

सरकारले गत असारमा चीनबाट २० हजार मात्रा पाठेघरको मुखको क्यान्सरविरुद्धको खोप खरिद गरेर ल्याएको थियो ।दुई मात्रा दिइने उक्त खोप १० हजार किशोरीलाई लगाइने छ । खोपका लागि कोशी प्रदेशमा कोशी अस्पताल, मधेश प्रदेशमा वीरगञ्जस्थित नारायणी अस्पताल, बागमतीमा थापाथलीस्थित परोपकार प्रसूति तथा स्त्री रोग अस्पताल, गण्डकी प्रदेशको पोखरा स्वास्थ्य विज्ञान प्रतिष्ठान, लुम्बिनीमा भेरी अस्पताल बाँके, कर्णालीमा प्रादेशिक अस्पताल सुर्खेत र सुदूरपश्चिम प्रदेशको डडेल्धुरा अस्पतालबाट एकै दिन एचपीभी खोप प्रदान गर्न लागेको हो ।

खोपले १० देखि १४ वर्ष उमेरसमूहका किशोरीलाई पाठेघरको मुखको क्यान्सर लाग्नबाट बचाउने गर्दछ । ‘अहिले पहिलो मात्रा र ६ महिनापछि दोस्रो मात्रा खोप दिइने मन्त्रालयले जनाएको छ । पहिलो मात्राको खोप आज र भोली गरेर लगाइँदैछ ।नेपालका महिलालाई लाग्ने क्यान्सरमध्ये पाठेघरको मुखको क्यान्सर सबैभन्दा बढी देखिएको छ । विश्वमा भने महिलालाई सबैभन्दा बढी स्तन तथ्यांक रहेको छ ।