काठमाडौँ । काठमाडौँ महानगरले काठमाडौँ महानगरपालिका प्रमुख बालेन्द्र शाह (बालेन) की पत्नी सबिना काफ्लेलाई ट्राफिक प्रहरीले अनावश्यक केरकार र असभ्य व्यवहार देखाएको भन्दै आपत्ति जनाएको छ ।
आफ्नो स्वास्थ्य परीक्षण र एनआइसीयुमा भर्ना रहेको शिशुलाई स्तनपान गराइ फर्किने क्रममा कोटेश्वरमा ट्राफिक प्रहरीले अभद्र व्यवहार गरेको मेयर बालेनको सचिवालयले जनाएको छ ।
सचिवालयले काफ्लेको स्वास्थ्यमा एकाएक जटिलता तथा जोखिमयुक्त स्थिति देखिएपछि स्वास्थ्य परीक्षणका लागि सबैभन्दा छिटो प्रयोग गर्न सकिने विकल्पका रूपमा उपलब्ध रहेको र सुरक्षाका दृष्टिकोणले महानगरपालिकाको सरकारी गाडी प्रयोग गरेको बताएको छ ।
सचिवालयले भनेको छ– ‘सवारी जाँच गर्ने विधि र प्रक्रिया अवलम्बन नगरी प्रहरीले ‘ढोका खोल’, के हो ? कहाँ हो ? यस्तो त्यस्तो गर्ने भन्दै पछिल्लो सिटमा सवार सुत्केरी सबिना काफ्लेलाई अनावश्यक केरकार गरेको थियो ।’
मेयर बालेनका स्वकीय सचिव भुपदेव शाहले जारी गरेको विज्ञप्तिमा प्रसव पीडा र शारीरिक समस्यामा एवम् नवजात शिशुको स्वास्थ्य अवस्थाले चिन्तित रहेकी महिलामाथि कर्तव्य पालना गर्न बसेका प्रहरीबाट गरिएको असभ्य व्यवहार अत्यन्त निन्दनीय तथा खेदजनक छ भनिएको छ ।
यस्तो छ महानगरको स्पष्टीकरण :
