एजेन्सी । इटालीमा तेज गतिमा आएको आँधीका र भीषण वर्षाका कारण ४ जनाको मृत्यु भएको छ भने जनजीवन प्रभावित भएको छ ।
अन्तर्राष्ट्रिय सञ्चार माध्यमका अनुसार आँधीले ठूल्ठूला रुख ढाल्दा सडकमा हिंडिरहेकाहरुको च्यापिएर मृत्यु भएको हो । इटालीको उत्तरी भागका अधिकांश घरहरुमा आँधीले क्षति पुर्याउनुका साथै सयौं सवारीसाधनमा पनि क्षति पुगेको छ ।
पर्लेमा शहर नजिकै रहेको जंगलमा भीषण डढेलो लागिरहेको बेला आएको आँधीले डढेलो विस्तार गर्दा डढेलोबाट पनि घरहरुमा क्षति पुगेको छ । आँधीपछि असिनासहितको भारी बर्षा हुँदा मानिसहरु घरभित्रै थुनिएका छन् ।
आँधीको प्रभाव यातायात र हवाई सेवामा समेत परेको समाचारमा उल्लेख छ ।
