काठमाडौँ । वानएक्स बेटमार्फत जुवामा संलग्न भएको भन्दै कलाकार ‘बल्छी ध्रुबे’ (मरिचमान श्रेष्ठ) सहित ८ जना पक्राउ परेका छन् ।
काठमाडौँ जिल्ला प्रहरी परिसरका एसएसपी दानबहादुर कार्कीका अनुसार प्रतिबन्धत अनलाइन बेटिङ एप ‘वान एक्स बेट’मा सट्टेबाजी गर्ने र त्यसको विज्ञापन गरेको आरोपमा ८ जना पक्राउ परेका हुन् ।
उक्त अनलाइन बेटमा संलग्न रहेकाहरुविरुद्ध चलाइएकाे कारबाहीमा प्रहरीले बुधबार ५ जनालाई पक्राउ गरेको थियो । बुधबार पक्राउ परेका ५ जनाले ७४ करोडको कारोबार गरेको देखिएको थियो ।
बल्छी ध्रुबेसहित पक्राउ परेका कलाकारहरुले युट्युबमार्फत् वानएक्स बेटको विज्ञापन गरेको प्रहरीको आरोप छ । युट्युबमा प्रोमो कोड प्रयोग गरी वानएक्स बेटिङमा छुट प्राप्त गर्न सकिने भन्दै विज्ञापन गरेको देखिएको प्रहरीले जनाएको छ ।
