काठमाडौँ । प्रतिनिधि सभा संसदमा टिसर्ट लगाएर गएको भन्दै आलोचनामा परेकी राष्ट्रिय स्वतन्त्र पार्टीकी सांसद सुमना श्रेष्ठ फेरि त्यस्तै पोशाकमा संसदीय समितिको बैठकमा पुगेकी छन् ।
बुधबार उनी मिनीस्कर्ट लगाएर मिनी संसद भनिने गरेको प्रतिनिधि सभाको शिक्षा, स्वास्थ्य तथा सूचना प्रविधि समितिको बैठकमा उपस्थित भइन् । उनको उपस्थितिले सांसद समेत छक्क परेका थिए ।
यद्यपी उनलाई यसबारे कसैले प्रश्न गर्ने हिम्मत भने गरेनन् । सांसदहरुले उनको पोशाकबारे एकअर्कामा खासखुस मात्र गरे ।
प्रतिनिधिसभा नियमावलीमा संसद र समितिका सदस्यहरूले बैठकमा उपस्थित हुँदा सहभागी हुँदा मर्यादित पोशाक लगाउनुपर्ने उल्लेख छ।
यसअघि पनि टिसर्टमा संसदमा उपस्थित भएको बारे उठेको प्रश्नमा जवाफ दिँदै उनले टिसर्ट र जिन्स लगाउँदा अमर्यादित नहुने भन्दै आफ्नो बचाउ गरेकी थिइन् ।
