काठमाडौं । नेपाली कांग्रेसका पूर्वसभासद आङटावा शेर्पा प्रहरी कार्यालयमा उपस्थित भएका छन् ।
नक्कली भुटानी शरणार्थी प्रकरणमा पक्राउ परेकाहरुले बयानका क्रममा संलग्नता रहेको बताएपछि प्रहरीको आग्रहमा जिल्ला अदालत काठमाडौंले आइतबार शेर्पाविरुद्ध पक्राउ पुर्जी जारी गरेको थियो ।
जिल्ला प्रहरी परिसर काठमाडौंका एक अधिकारीले शेर्पा प्रहरी कार्यालयमा आइपुगेको जन प्रहारलाई जानकारी दिएका हुन् ।
यो प्रकरणमा नेकपा एमालेका नेता तथा सांसद टोपबहादुर रायमाझी, पूर्वगृहमन्त्री बालकृष्ण खाँण, गृह मन्त्रालयका पूर्वसचिव टेकनारायण पाण्डे, तत्कालीन गृहमन्त्री रामबहादुर थापा बादलका सुरक्षा सल्लाहकार इन्द्रजित राईलगायत पक्राउ परिसकेका छन् ।
नक्कली भुटानी शरणार्थी प्रकरणमा संलग्न रहेकाे भन्दै पक्राउ पुर्जी जारी भएका नेपाली कांग्रेसका पूर्वसांसद आङतावा शेर्पाले आत्मसमर्पण गरेका छन् ।
सोमबार साँझ उनले उपत्यका प्रहरी कार्यालय रानीपोखरीमा गएर आत्मसमर्पण गरेको कार्यालय प्रमुख एआईजी श्यामलाल ज्ञवालीले जानकारी दिएका छन् ।
उक्त प्रकरणमा शेर्पाले भुटानी शरणार्थी प्रकरणमा पक्राउ परेका बिचौलियालाई हिरासतमै गएर भेटी नेपाली कांग्रेसका नेताहरुको नाम नपोल्द दबाब दिएको आरोप रहेको छ । उनी आफैँले पनि उक्त प्रकरणमा विभिन्न व्यक्तिसँग असुलीमा संलग्न भएको आरोप छ ।
३१ वैशाखमा प्रहरीले उनीविरुद्ध पक्राउ पुर्जी जारी गरेको थियो । त्यसलगत्तै उनी सम्पर्कविहीन भएका थिए ।
