काठमाडौँ । नेकपा एमालेका सचिव तथा सांसद टोपबहादुर रायमाझीलाई नभेटेपछि प्रहरीले उनको पत्र संसद सचिवालयमा पु¥याउनेको खोजी सुरु गरेको छ । प्रहरीको केन्द्रीय अनुसन्धान ब्युरो(सीआईबी)ले संसद सचिवालयबाट पत्र बुझाउन आउनेलाई पत्ता लगाउन सीसीटीभी फुटेज लगेको छ ।
उक्त सीसीटीभी फुटेजको अध्ययन गरेर प्रहरीले टोपबहादुरको पत्र ल्याएर दर्ता गर्नेको खोजी गर्ने र उनीमार्फत टोपबहादुरसम्म पुग्न खोजेको हो ।
नक्कली शरणार्थी प्रकरणमा पक्राउ परेपछि टोपबहादुर रायमाझीलाई प्रहरीले पक्राउ गर्न खोजेको थियो । तर, प्रहरीले पक्राउ गर्न खोजेपछि उनी २० वैशाखदेखि फरार रहेका छन् । तर, गएको बुधबार आफू बिरामी भएको पत्र पठाएर उनी फरार रहेका छन् ।
बिना जानकारी प्रतिनिधि सभाको १० वटा बैठकसम्ममा अनुपस्थित भए सांसद पद नै खारेज हुने भएकाले उनले आफू बिरामी भएको भन्दै पत्र पठाएका थिए ।
प्रहरीले २० वैशाख साँझ उनका छोरा सन्दीप रायमाझीलाई प्रहरीले पक्राउ गरिसकेको छ ।
प्रहरीले भने रायमाझीलाई पक्राउ गर्न देशभर सर्कुलर जारी गरेको छ ।
