काठमाडौं । तनहुँ क्षेत्र नं १ मा राष्ट्रिय स्वतन्त्र पार्टी रास्वपाका उम्मेदवार डा. स्वर्णिम वाग्लेले २५ हजार मत कटाएका छन्। यसअघि निर्वाचित रामचन्द्र पौडेलले ल्याएजति मत स्वर्णिमले पाइसकेका हुन्।
रामचन्द्र पौडेलले गत ४ मंसिरमा २५ हजार ३ सय ६१ मत ल्याएर निर्वाचित भएका थिए। पछिल्लो मत परिणाम अनुसार राष्ट्रिय स्वतन्त्र पार्टी रास्वपाका उम्मेदवार डा. स्वर्णिम वाग्लेले २५ हजार १४१ मत पाएका हुन्।
अहिलेसम्म ४८ हजार २६२ मत गणना सकिएको छ। जसमा नेपाली कांग्रेसका उम्मेदवार गोबिन्द भट्टराईले १४ हजार ४६२ र नेकपा एमालेका उम्मेदवार सर्वेन्द्र खनालले ७ हजार ९१ मत पाएका छन्।
आज राति नै त्यहाँ अन्तिम परिणाम आउने सम्भावना रहेको बुझिएको छ।
यसअघि निर्वाचित नेपाली कांग्रेसका बरिष्ठ नेता रामचन्द्र पौडेल राष्ट्रपति बनेपछि रिक्त रहेको सांसद पदमा त्यहाँ उपनिर्वाचन भएको हो। तर उपनिर्वाचनमा नेपाली कांग्रेसले आफ्नो सिट सुरक्षित गर्न सकेन भने नेपाली कांग्रेस छाडेका राष्ट्रिय स्वतन्त्र पार्टी रास्वपाका उम्मेदवार रहेका अर्थविद डा. स्वर्णिम वाग्ले निर्वाचित हुन लागेका छन्।
