काठमाडौँ । प्रतिनिधि सभा सदस्य उपनिर्वाचनअन्तर्गत आज आइतबार ३ जिल्लाका ३ निर्वाचन क्षेत्रमा मतदान कार्यक्रम भइरहेको छ । तनहुँ १, चितवन २ र बारा २ मा मतदान भइरहेको हो ।
मध्यान्ह १२ बजेसम्मको मतदान अपडेट अनुसार तनहुँ १ मा २१ प्रतिशत मत खसिसकेको छ । त्यस्तै, चितन २ मा ३५ प्रतिशत, र बारा २ मा २५ प्रतिशत मत खसेको सम्बन्धीत जिल्ला स्थिति निर्वाचन कार्यालयहरुले जानकारी दिएका छन् ।
निर्वाचन कार्यालयका अनुसार १ लाख २३ हजार ३ सय ५ मतदाता रहेका तनहुँ १ मा २६ हजार ३ सय २१ मतदाताले मतदान गरिसकेका छन् ।
त्यस्तै, चितवन २ मा १ लाख २४ हजार ६ सय ९५ मतदाता रहेका छन् । १२ बजेसम्ममा ४४ हजार २ सय १३ जनाले मतदान गरिसकेका छन् ।
बारामा १ लाख ५ हजार २ सय ४८ मतदातामध्ये २५ प्रतिशत मतदाताले मतदान गरेका छन् ।
बिहान ७ बजेदेखि मतदान कार्यक्रम सुरु भएको थियो ।
