पोखरा । ने क पा ( एस) पोखरा महानगर कमिटि वडा न ३३ को सम्पूर्ण वडा कमिटी नै एमालेमा समाहित भएको छ।

सो पार्टीका नेता चुडामणिा जंगली सहित पोखरा -३३ निवासी एबम नेकपा (एस) कास्की जिल्ला कमिटी सचिवालय सदस्य खेमराज आचार्य , नेकपा (एस) पोखरा -३३ वडा कमिटी अध्यक्ष केशबहादुर आले, सचिब शिबराज प्रतेल सहित सिङो वडा कमिटी नै नेकपा एमालेमा समाहित भएको हो।

उनीहरुलाई ने क पा एमालेका संगठन बिभाग प्रमुख तथा गण्डकी प्रदेशका मुख्य मन्त्री खगराज अधिकारीले पोखरामा आयोजित विशेष कार्यक्रममा स्वागत गरेका थिए।
यस अघि ने क पा ( एस) छोडेको घोषणा गरेका चुडामणि जंगली सो पार्टिमा रहदा पोलिट्ब्युरो सदस्य थिए भने खेमराज पोखरा महानगरपालिकाका मेयर एवं समाजवादीका केन्द्रीय सदस्य धनराज आचार्यका स्वकीय सचिब समेत थिए ।

धनराज मेयर भएपछि खेमराज ६ महिना उनको सचिवालयमा थिए । गत पुसदेखि उनी सचिवालयमा छैनन् । जनताको प्यारो पार्टी नेकपा एमालेलाई अझ ससक्त पार्टी बनाउने दृढ संकल्प सहित एमालेमा समाहित भएको आचार्यले प्रतिक्रिया दिए।