काठमाडौँ। रााष्ट्रिय स्वतन्त्र पार्टीले विन्दवासिनी कंसाकारलाई सांसद बनाउने भएको छ।
यसअघि समानुपातिक सांसद रहेका डा. ढाकाकुमार श्रेष्ठको साधारण सदस्यता खारेज गरेपछि उनको स्थान रिक्त भएको हो।
साधारण सदस्यता खारेज भएसँगै उनी सांसदबाट पनि हटेका छन्।
बुधबार बसेको पार्टीको केन्द्रीय समिति बैठकले डा. श्रेष्ठको स्थानमा विन्दावासिनीलाई सांसद बनाउने निर्णय गरेको छ। उनी मकवानपुरकी हुन्।
कंसाकारलाई रास्वपाले २ महिनाअघि केन्द्रीय सदस्यमा मनोनित गरेको थियो ।
उनीमाथि १० वर्षअघि एसिड आक्रमण भएको थियो। उनीमाथि एसिड छ्याप्ने पुरुषलाई प्रहरीले घटना भएको ६ वर्षपछि पक्राउ गरेको थियो।
उनैलाई रास्वपाले संसदमा पठाउने महत्वपुर्ण निर्णय लिएको हो।
