काठमाडौँ । तनहुँ १ मा हुन लागेको प्रतिनिधि सभा सदस्यको उपचुनावमा “हाम्रो नेपाली पार्टी” लौरो अभियानले राष्ट्रिय स्वतन्त्र पार्टी रास्वपाको उम्मेदवार अर्थविद डा. स्वर्णिम वाग्लेलाई समर्थन गर्ने भएको छ ।
२०८० साल वैशाख १० गते हुने उक्त उपचुनावमा “हाम्रो नेपाली पार्टी” लौरो अभियानले आफ्नो पार्टीको उम्मेदवार नउठाई राष्ट्रिय स्वतन्त्र पार्टी रास्वपा”कै उम्मेदवार अर्थविद डा. स्वर्णिम वाग्लेलाई समर्थन गर्ने निर्णय गरेको छ ।
आज एक विज्ञप्ति जारी गर्दै उक्त पार्टीले डा. स्वर्णिम वाग्लेले आर्थिक क्षेत्रमा अन्तर्राष्ट्रिय रूपमा विज्ञता हासिल गरेको र हालको अवस्थामा उहाँको विज्ञता नेपालको संसदमा यथाशीघ्र आवश्यक रहेको भन्दै उहाँलाई सघाउने निर्णय गरेको “हाम्रो नेपाली पार्टी” लौरो अभियान स्रोतले जानकारी दिएको छ ।
