चैत्र २६ ,पोखरा । प्रेस चौतारी नेपालको तिनवटा केन्द्रिय आयोग ( अनुशासन ,लेखा र निर्वाचन ) मा गण्डकी प्रदेशमा कार्यक्षेत्र रहनु भएका उपलब्ध केन्द्रिय पदाधिकारी र सदस्यहरूको विशेष बैठक आज पोखरामा सम्पन्न भएको छ। अनुशासन आयोग उपाध्यक्ष श्याम कुबरको अध्यक्षतामा सम्पन्न बैठकले मिसन ग्रासरूट अन्तर्गत प्रेस चौतारी नेपालको संगठन सुदृढीकरण अभियान अन्तर्गत केन्द्रिय कमिटी र गण्डकी प्रदेश कमिटीबाट आयोगका पदाधिकारी र सदस्यलाई प्रदान गरिएका जिम्मेवारी गम्भीरतापूर्बक कार्यान्वयन गर्ने योजना बनाएको छ।
प्रेस चौतारी नेपालको ने क पा एमालेका उप महाचिब तथा प्रेस चौतारी नेपालका इन्चार्ज पृथ्वीसुब्बा गुरुङको उपस्थितिमा यहि फागुन २९ गते पोखरामा सम्पन्न गण्डकी प्रदेश समितिको बैठकले आयोगका पदाधिकारी र सदस्यहरूलाइ अनुगमन ,मुल्यांकन र सुपरिबेक्षणको जिम्मेवारी प्रदान गर्ने निर्णय गरेको थियो। जस योजना र निर्णय कार्यान्वयनको लागि सोहि मुताबिक गण्डकीका ११ वटै जिल्लामा अनुगमन र सुपरिवेक्षणका लागि जिल्ला संयोजकको ब्यबस्था गरिएको लेखा आयोग उपाध्यक्ष रामजी प्रसाद लम्सालले जानकारी दिनु भयो।
जस अनुसार कास्किमा एकराज गिरि , तनहुँमा नारायण खड्का , नवलपूरमा राजेश सोनाम ,लमजुङमा जनक श्रेष्ठ , गोर्खामा इतराज गुरुङ ,पर्बतमा श्याम कुबर , बागलुङमा राजाराम पौडेल , म्याग्दिमा दिपक पौडेल , स्याङ्जामा मुक्ति पौडेल , मनाङ् र मुस्ताङमा रामजी प्रसाद लम्साललाई संयोजक तोकिएको छ। नेकपा एमाले गण्डकी प्रदेश समितिका उप सचिब एबम प्रचार तथा प्रकाशन बिभाग प्रमुख रश्मि आचार्यको प्रमुख आतिथ्यतामा सम्पन्न बैठकमा नेकपा एमाले गण्डकी प्रदेश समितिका सदस्य एबम प्रचार तथा प्रकाशन बिभाग उप प्रमुख पुण्य पौडेल ,प्रेस चौतारिका केन्द्रिय सचिब तथा गण्डकी प्रदेश इन्चार्ज सुश्मा पौडेल , प्रेस चौतारी नेपालका पूर्ब केन्द्रिय सचिब दुर्गा भण्डारी , लेखा आयोगका सदस्यद्वय राजाराम पौडेल र दिपक पौडेल ,निर्बाचन आयोग सदस्य एकराज गिरि सहितको उपस्तिथि रहेको थियो।
बैठकबाट केन्द्रिय समितिको सर्कुलर एबम प्रदेश समितिको निर्णय कार्यान्वयनमा विशेष अनुगमन निर्देशिका तयार गरि सुपरिवेक्षण तिब्र पार्ने निर्णय गरेको छ।
बैठकले संगठन सुदृढीकरण अभियानलाई प्रभाबकारी र ब्यबस्थित बनाउन सहजीकरणका लागि आबश्यक कार्य गर्ने निर्णय समेत गरेको छ।
