काठमाडौं । राष्ट्रिय स्वतन्त्र पार्टीका प्रवक्ता मुकुल ढकालले अर्थशास्त्री स्वर्णिम वाग्लेलाई तनहुँबाट उपचुनाव उम्मेदवार बनाउन कुरा भइरहेको बताएका छन् ।
राष्ट्रिय स्वतन्त्र पार्टीका प्रवक्ता समेत रहेका नेता मुकुल ढकालले आफ्नो दलको तर्फबाट अर्थशास्त्री स्वर्णिम वाग्लेसँग कुरा भइरहेको पुष्टि गरेका छन् । ‘स्वर्णिम वाग्ले जीसँग हाम्रो कुरा भइरहेको छ । उहाँले पार्टीमा आबद्ध भएर प्राइमरी इलेक्सनमार्फत् छनोट हुनुपर्ने हुन्छ”ढकालले भने, ‘हामीले तनहुँमा सरप्राइज दिन लागेका हौं । एक, दुई दिनमा केही पोजेटिभ निर्णय बाहिर आउला त्यसपछि सबै कुरा छर्लङ्गै हुनेछ ।
स्वर्णिम वाग्लेले ४ मंसिरको चुनावमा नेपाली कांग्रेसको चुनाव घोषणापत्र तयारी समितिमा रहेर काम गरेका थिए । उनी त्यतिबेला नेपाली कांग्रेसबाटै चितवन र काठमाडौंमध्ये एक ठाउँबाट चुनाव लड्ने चाहनामा थिए, तर सभापति शेरबहादुर देउवाले उनलाई प्राथमिकता दिएका थिएनन् ।
रास्वपाको प्रस्तावमा स्वर्णिमले के प्रतिक्रिया दिएका छन् भन्ने कुरा अझै पनि खुलेको छैन ।
