काठमाडौं । नेपाली कांग्रेसको संसदीय दलको बैठक आज बस्दैछ । नयाँ बानेश्वरस्थित सङ्घीय संसद् भवनको ल्होत्से हलमा दिउँसो १२ बजे बैठक बस्ने लागेको हो ।आजको प्रतिनिधिसभा बैठकमा पार्टीको तयारीबारे छलफल गर्न बैठक बस्न लागेको कांग्रेस संसदीय दलका प्रमुख सचेतक रमेश लेखकले बताए ।
नेपाली कांग्रेस कार्यसम्पादन र संसदीय दलको बैठकबाट सरकारमा जाने निर्णय गर्ने नेपाली कांग्रेसका महामन्त्री गगनकुमार थापाले बताएका छन् । यसअघि संसदमा नेपाली कांग्रेस र नेकपा एमालेले प्रमुख प्रतिपक्षी दाबी गर्दा संसद बैठक प्रभावित भएको थियो । नेपाली कांग्रेसले आज प्रधानमन्त्री पुष्पकमल दाहाल प्रचण्ड “लाई विश्वासको मत दिने र सरकारमा जाने निर्णय गर्ने महामन्त्री थापाको भनाइ रहेको छ ।
गत पुस २६ मा प्रधानमन्त्री पुष्पकमल दाहाल प्रचण्ड”लाई विश्वासको मत दिए पनि नेपाली कांग्रेस प्रतिपक्षमै बसेको थियो। राष्ट्रपति निर्वाचनमा पुस १० को सत्ता समीकरणमा फेरबदल आएर नेकपा एमाले प्रतिपक्षी कित्तामा पुगेको छ । प्रचण्ड नेतृत्वको सरकारबाट मन्त्री फिर्ता बोलाएर नेकपा एमालेले समर्थन पनि फिर्ता लिसकेको छ । आजको संसद बैठकमा नेपाली कांंग्रेस सत्ता पक्षको बेन्चमा बस्दा नेकपा एमाले विपक्षी बेन्चमा बस्ने भएको छ ।
