काठमाडौं । सभामुख देवराज घिमिरेले नवनिर्वाचित राष्ट्रपति रामचन्द्र पौडेललाई बधाई दिनुभएको छ ।
शुक्रबार बिहान सभामुख घिमिरेले नवनिर्वाचित राष्ट्रपति पौडेललाई पौडेलकै निवासमा पुगेर बधाई तथा सफल कार्यकालको शुभकामना दिनुभएको हो ।
बिहीबार भएको राष्ट्रपति निर्वाचनमा नौ दलीय गठबन्धनको साझा उम्मेदवार नेपाली कांग्रेसका वरिष्ठ नेता पौडेल निर्वाचित हुनुभएको थियो ।
आफू नवनिर्वाचित राष्ट्रपति पौडेलको शपथ कार्यक्रममा सहभागी हुन नपाउने व्यहोरासमेत सभामुख घिमिरेले जानकारी गराउनुभएको छ ।
सभामुख घिमिरेले शुक्रबार बहराइनमा शनिबारदेखि हुने अन्तर व्यवस्थापिका संघको एक सय ४६ औं बैठकमा भाग लिन आफू शुक्रबार त्यसतर्फ जान लागेको पनि सो अवसरमा नवनिर्वाचित राष्ट्रपति पौडेललाई जानकारी गराउनुभयो ।
