काठमाडौँ । नेपाली कांग्रेसका नेता डा. शेखर कोइरालाले राष्ट्रपतिको निर्वाचनमा कांग्रेसले उठाउने उम्मेदवारको पक्षमा मात्र राष्ट्रिय सहमति हुने बताउनुभएको छ ।
सिन्धुलीको सदरमुकाम सिन्धुली माडीमा मंगलबार बिहान नेपाल प्रेस युनियन सिन्धुलीले आयोजना गरेको पत्रकार भेटघाट कार्यक्रममा बाेल्दै उहाँले यस्ताे बताउनुभएकाे हाे । राष्ट्रपतिको उम्मेदवार राजनीतिक दल भन्दा बाहिरका राष्ट्रिय व्यक्तित्वलाई कांग्रेसले अघि सार्नुपर्ने नेता कोइरालाले जोड दिनुभयो ।
तर पछिल्लाे समयमा कांग्रेसका नेता कृष्णप्रसाद सिटाैला, रामचन्द्र पाैडेल र पार्टी सभापति शेरबहादुर देउवाकाे समेत राष्ट्रपतिकाे उम्मेदवार बन्ने चर्चा चलिरहेकाे छ । यहि फागुन २५ गते राष्ट्रपतिकाे निर्वाचन हुने भएकाे छ ।
