काठमाडौँ । नेपाली कांग्रेसले सभामुखमा उम्मेदवारी दिने निर्णय गरेको छ । बिहान पार्टी सभापति शेरबहादुर देउवाको निवास धुम्बाराहीमा बसेको कांग्रेस पदाधिकारीहरूको बैठकले सभामुखमा उम्मेदवारी दिने निर्णय गरेको हो ।
यद्यपि उम्मेदवार कसलाई बनाउने भन्नेबारे भने टुङ्गो लागेको छैन । कार्य सम्पादन समितिले नाम टुङ्ग्याउन कांग्रेस स्रोतले बताएको छ । थप छलफलका लागि दिउँसो १ बजे संसदीय दलको बैठक बोलाइएको छ । कांग्रेसले उम्मेदवारी दिनेबारे सत्ताबाहिर रहेका अन्य दलसँग पनि छलफल गर्ने भएको हो ।
स्रोतकाअनुसार सभामुखमा ईश्वरी न्यौपानेलाई उठाउने तयारी छ । सभामुखको उम्मेदवार एक दलको हुँदा उप सभामुख अर्को दल र पुरुष महिला पनि मिलाउनु पर्ने भएकाले अरू दलसँग छलफल गर्नु गरेको हो । सत्तारुढ गठबन्धनबाट एमालेका देवराज घिमिरे उम्मेदवार बन्ने भएका छन् ।
