काठमाडौं । नेकपा एमाले रामेछाप प्रतिनिधिसभा सदस्यका उम्मेदवार कैलाश प्रसाद ढुङ्गेलले काँग्रेस, माओवादी लगायतको गठबन्धन सत्ताको आडमा एमाले विरुद्धको सेटिङमा लागेकोले यस तर्फ सचेत रहन कार्र्यकर्तालाई सचेत गराउनु भएको छ ।
बुधवार सदरमुकाम मन्थलीमा एमाले रामेछापले आयोजना गरेको जिल्ला स्तरीय प्रचार एवं जनसङ्गठनहरूको सामुहिक भेलालाई सम्बोधन गर्ने क्रममा कार्यक्रमका प्रमुख अतिथि समेत रहेका ढुङ्गेलले यस्तो कुरा बताउनुभएको हो ।
निर्वाचनको मुखमा रामेछापका जनतालाई हरियो घाँस देखाउँदा पछि लाग्ने बाख्रा जस्तो ठानेर गठबन्धनका उम्मेदवारहरु पैसाको धोक्रो बोकेर हिँडिरहेको भन्दै नागरिक हरुलाई कम्जोर नठान्न पनि आग्रह गर्नुु भयो । उहाँले सहभागि कार्यकर्ताहरुलाई पार्टीमा कुनै गुनासा भए सबै खाले गुनासाहरुलाई थाति राखेर निर्वाचनमा लाग्न पनि आग्रह गर्नु भयो ।
उहाँले कसैसंग कुनै पनि कारणबस गुनासाहरु पनि हुन सक्छन् । तर ति सबै गुनासाहरुलाई मङ्सिर ४ पछि मात्र छलफल गर्न सकिन भन्दै पार्टि र राष्ट्रको प्रतिष्ठा संग जोडिएकोले सबै कुराहरूलाई छाडेर निर्वाचनको महासंग्राममा लाग्न पनि आग्रह गर्नुभयो । समृद्ध नेपाल, सुखी नेपाली बनाउने मिसन र भिजन एमाले सँग मात्रै भएकाले एमालेका उम्मेदवारलाई निर्वाचन जित्न कुनै समस्या नरहेको भन्दै उहाँले उक्त कुराहरुलाई नेता कार्यकर्ताहरुले गाउँमा गएर बुझाउन पनि निर्देशन दिनु भयो ।
विगतमा आफु जन प्रतिनिधि र मन्त्री हुँदाको अनुभबका आधारमा गाउँपालिकाको ६४ वटा वडाका नागरिकलाई सम्बोधन हुने गरि कार्य योजना आफूले बनाएको भन्दै उक्त योजनामा साथ दिन पनि कार्यकर्तालाई आग्रह गर्नु भयो ।
