काठमाडौँ । नेपाल राष्ट्र बैंकले नेपालीहरुको महानचाड बिजयादशमी, तिहार र छठ लगायतका चाडपर्वलाई लक्षित गर्दै भदौ २६ गतेदेखी नयाँ नोट सटही सुविधा उपलव्ध गराउने भएको छ ।
राष्ट्र बैंकका अनुसार भदौ २६ देखी प्रतिव्यक्ति १८ हजार ५ सय रुपैयाँको दरले नयाँ नोट सटही सुविधा उपलव्ध गराउने तयारी गरेको हो । बैंकले २० भदौपछि मात्रै नयाँ नोट कुन कुन स्थानबाट साटन सकिन्छ भनेर सूचना प्रकाशित गर्ने तयारी गरेको छ ।
बैंकले प्रति व्यक्ति ५,१०,२०,५० र १०० का नयाँ नोट उपलव्ध गराउने भएको हो । बैंकले राजधानी काठमाण्डौं उपत्यका र बाहिरी जिल्लाहरुमा रहेका बैंक तथा बित्तीय संस्थाहरु मार्फत नोट सटही गर्ने भएको हो ।
