पुष्कर खड्का
रामेछाप । रामेछापको उमाकुण्ड गाउपालिका प्रितिका वडा अध्यक्षलाई प्रहरीले पक्राउ गरेको छ ।

२०७५ सालमै नेपाली नागरिकता बनाएकी,उमाकुण्ड गाउँपालिका वडा नम्बर ४ की किशोरी निर्मला बस्नेतलाई पुःन नागरिकता लिन वडाबाट ‘नागरिकताको लागि डबल सिफारिस’ मा हस्ताक्षर गरेको अभियोगमा उमाकुण्ड गाउँपालिका–४ प्रितीका वडा अध्यक्ष मान बहादुर सुनुवारलाई जिल्ला प्रहरी कार्यालय रामेछापले पक्राउ गरेको छ।

जिल्ला प्रहरी कार्यालय रामेछापका अनुसार
वडाबाट पहिलेनै नागतिकताको प्रमाणपत्र लिसकेकी निर्माला बस्नेतलाई बहिनीको ‘डकुमेन्ट’को आधारमा वडा सचिव पदमकुमारी बस्नेले तयार पारिएको डकुमेन्टमा नपढि हस्ताक्षर गरेका अध्यक्ष सुनुवार आज पक्राउ गरेको जिल्ला प्रहरी कार्यालय रामेछापका प्रमुख राजकुमार थिङले जानकारी दिनु भयो ।

उहाँको जानकारी अनुसार दोहोरो नागरिकता लिन खोज्ने निर्मला बस्नेत र दोहोरो जन्म दर्ता गर्न सूचना दिने उनकी आमा दिल कुमारी बस्नेत र वडा सचिवलाइ यसअघि नै प्रहरीले पक्राउ गरेको बताउनु भयो ।दोहोर्याएर नागरिकता लिन खोज्ने निर्मलाको कारण पक्राउ परेका ४ जनालाई प्रहरी हिरासतमा राखि थप अनुसन्धान गरिएको प्रहरीले जनाएको छ ।