काठमाडौँ । वायु सेवा प्रदायक कम्पनीले हवाई भाडा बढाएका छन् । नेपाल आयल निगमले हवाई इन्धनको मूल्य बढाएपछि वायुसेवा प्रदायक कम्पनीहरुले हवाई भाडा बढाएका हुन् ।
वायुसेवा सञ्चालक संघले बढाएको नयाँ भाडादर अनुसार काठमाडौँबाट सबैभन्दा लामो रुट धनगढीका लागि सबैभन्दा धेरै २२० रुपैयाँ भाडा बढेको छ । अब काठमाडौँबाट धनगढीको भाग अधिकतम १७ हजार २५ रुपैयाँ भाडा लाग्ने भएको छ ।
नयाँ भाडादर अनुसार काठमाडौँबाट पर्वतीय उडानको भाडा १७० रुपैयाँले बढेको छ । अब यो रुटमाअधिकतम १४ हजार ८९० रुपैयाँ भाडा लाग्ने भएको छ ।
सबैभन्दा कम काठमाडौँबाट सिमराको भाडा ४५ रुपैयाँ बढेको छ । यो रुटमा अब अधिकतम ४ हजार २४० रुपैयाँ भाडा लाग्ने भएको छ ।
निगमले हवाई इन्धनमा प्रतिलिटर ५ रुपैयाँ मूल्य बढाएर १८५ रुपैयाँ प्रतिलिटरबाट १९० रुपैयाँ पुर्याएपछि निगमले भाडा बढाएको हो ।
