काठमाडौं।सत्ता गठबन्धनले विराटनगरबाट महानगरपालिकामा विजयी सुरुवात गरेको छ ।
विराटनगर महानगरपालिकाको मेयरमा नेपाली कांग्रेसका उम्मेदवार नागेश कोइराला विजयी हुनुभएको छ। उहाँले नेकपा एमालेका सागर कुमार थापालाई ८ हजार ७ सय १५ मतको फराकिलो अन्तरले पराजित गर्नुभएकाे हाे। कोइरालाले ३० हजार १ सय ७० मत प्राप्त गर्दा थापाले २१ हजार ४ सय ५५ मत मत प्राप्त गर्नुभएकाे छ ।
उपमेयरमा भने नेकपा एमालेकी उम्मेदवार शिल्पा कार्की विजयी हुनुभएकाे छ । उहाँले जनता समाजवादी पार्टीका अमरेन्द्र यादवलाई पराजित गर्नुभएकाे हाे । कार्कीले २५ हजार ६ सय ८० मत प्राप्त गर्दा यादवले २४ हजार २ सय १९ मत प्राप्त गर्नुभएकाे हाे।
स्थानीय तह निर्वाचन अन्तर्गत अहिले ५ महानगरपालिकाको मतगणना जारीरहेकाे छ। जारी मतगणनामा काठमाडौं महानगरमा स्वतन्त्र उम्मेदवारको फराकिलो अग्रता हुँदा बाँकी ४ महानगरमा गठबन्धन दलका उम्मेदवाको अग्रता रहेकाे छ । काठमाडौं महानगरपालिकाको मेयरमा स्वततन्त्र उम्मेदवार बालेन्द्र साहले ३१ हजार १५ मतसहित अग्रता कायमै राख्नुभएको छ । उहाँलाई नेकपा एमालेका केशव स्थापितले १६ हजार ५ सय २७ मतसहित पछ्याउनुभएको छ ।
नेपाली कांग्रेसकी उम्मेदवार सिर्जना सिंहको १६ हजार २ सय २४ मत रहेकाे छ । उपमेयरमा एमालेकी सुनिता डंगोलले अग्रता कायमै राख्नुभएकाे छ । उहाँको २६ हजार ५ सय ७५ र नेकपा एकीकृत समाजवादीका रामेश्वर श्रेष्ठको ८ हजार ५ सय ९१ मत छ ।
उता चितवनको भरतपुर महानगरपालिकाको मेयरमा नेकपा माओवादी केन्द्रकी रेणु दाहालको अग्रता कायमै रहेकाे छ । दाहालको २७ हजार ७८ मत हुँदा नेकपा एमालेका विजय सुवेदीको २२ हजार ६० मत रहेकाे छ । स्वतन्त्र उम्मेदवार जगन्नाथ पौडेलको ९ हजार ४ सय १५ मत रहेकाे छ ।
साथै भरतपुरको उपमेयरमा कांग्रेसका चित्रसेन अधिकारीले फराकिलो अग्रता बनाउनुभएको छ । अधिकारीको २९ हजार १ सय ३२ मत हुँदा राप्रपाकी हिमला गुरुङको १७ हजार १ सय ६२ मत प्राप्त गर्नुभएको छ ।
साथै लतिपुर महानगरमा कांग्रेस उम्मेदवार चिरीबाबु महर्जनले एमाले उम्मेदवार हरिकृष्ण व्यञ्जनकारमाथि फराकिलो अग्रता लिनुभएको छ । महर्जनको २२ हजार ८ सय २० मत हुँदा व्यञ्जनकारको १३ हजार १ सय २४ मत रहेकाे छ ।
उपमेयरमा एमालेकी मन्जली शाक्यको अग्रता छ। उहाँको ११ हजार ९ सय ६५ मत र माओवादीका बाबुराज बज्रचार्यको ८ हजार ४ सय २६ मत छ ।
उता पोखरा महानगरपालिकामा गठबन्धन तर्फबाट नेकपा एसका उम्मेदवार धनराज आचार्यले नेकपा एमालेका कृष्णबहादुर थापामाथि निरन्तर अग्रता लिनुभएको छ । आचार्यको २९ हजार ८ सय ७ र थापाको २६ हजार ३ सय ७५ मत छ । उपमेयरमा कांग्रेस उम्मेदवार कोपलिा रानाभाटको अग्रता रहेकाे छ । उहाँले ३० हजार २ सय ६० मत ल्याउदा एमालेकी मञ्जुदेवी गुरुङको ३० हजार १ सय ७६ सय मत छ ।
साथै विरगञ्ज महानगरपालिकामा जनता समाजवादी पार्टीका राजेशमान सिंहले एमाले उम्मेदवार विजयकुमार सरावगीमाथि दोब्बर मतको अग्रता लिनुभएको छ । सिंहको २४ हजार ३ सय १६ मत छ भने सरावगीको १२ हजार ४ सय ८९ मत छ । उपमेयरमा नेपाली कांग्रेसका इम्तियाज आलमले लोसपाका पुरुषोतमलाल झालाई ५ गुणा बढी मतलेपछि पार्नुभएको छ ।
आलमको १७ हजार ७५ मत हुँदा झाले ३ हजार ६ सय ७४ प्राप्त गर्नुभएको छ ।
