काठमाडौं । सत्तारुढ गठबन्धनभित्र महानगर र उपमहानगरपालिकामा सिट बाँडफाँट भएपछि नेपाली काँग्रेस आन्तरिक छलफलमा जुटेको छ । प्रधानमन्त्रीको निवास बालुवाटारमा बिहीबार अपरान्ह ३ बजेपछि काँग्रेसका शीर्ष नेताबीच छलफल जारी छ ।
बैठकमा सभापति शेरबहादुर देउवा, वरिष्ठ नेता रामचन्द्र पौडेल, उपसभापति पूर्णबहादुर खड्का, महामन्त्री गगन कुमार थापा, विश्वप्रकाश शर्मा, नेताहरु प्रकाशमान सिंह, विमलेन्द्र निधि, कृष्णप्रसाद सिटौला, शशांक कोइराला लगायत सहभागी छन् ।
उपसभापति धनराज गुरुङ गृहजिल्ला स्याङजा रहेकाले बैठकमा सहभागी छैनन् । बुधबार गठबन्धनमा ६ महानगर र ११ उपमहानगरपालिका प्रमुख उपप्रमुखको भागबण्डा टुंगिएपछि सभापति देउवाले पार्टीका उम्मेदवार तय गर्न सन्दर्भमा छलफल सुरु गरेको बताइएको छ ।
