काठमाडौं । नेपाली कांग्रेसको १४ औं महाधिवेशनमा रामेछापबाट तीन जनाले केन्द्रीय सदस्यमा उम्मेदवारी दर्ता गराएका छन् । रामेछापबाट केन्द्रीय महाधिवेशन प्रतिनिधि रहेका तीन जनाले आज केन्द्रीय सदस्यमा उम्मेदवारी दर्ता गराएका हुन् ।
रामेछापबाट संविधासभाका सदस्य समेत रहेका कांग्रेस नेता आङटावा शेर्पा ( जनजाति तर्फ ), नेविसंघका पूर्व उपसभापति एवं गत प्रदेशसभा निर्वाचनमा रामेछाप “क”का प्रत्यासी रत्न बहादुर कार्की ( खुल्ला पुरुष तर्फ) र विनिता खड्काले (खस आर्य महिलातर्फ ) बाट उम्मेदवारी दिएका छन् ।
यसैबीच कांग्रेसको १३४ जना केन्द्रीय सदस्यको लागि आज ५४८ जनाले उम्मेदवारी दर्ता गराएका छन् । कांग्रेसको महाधिवेशनमा रामेछापबाट २७ जना केन्द्रीय महाधिवेशन प्रतिनिधि रहेका छन् ।
