काठमाडौं, । देशभर पछिल्लो २४ घण्टामा २५९ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभर ६ हजार ४७२ पीसीआर र ४ हजार १५ जनाको एन्टीजेन परीक्षणका गर्दा २५९ जनामा कोरोना संक्रमण पुष्टि हो ।
त्यस्तै, गत २४ घण्टामा कोरोना संक्रमणबाट ३ जनाको मृत्यु भएको छ । योसँगै देशभर कोरोनाबाट मृत्यु हुनेको संख्या ११ हजार ५५२ पुगेको छ ।
शुक्रबार ३३७ जना कोरोनाबाट संक्रमणमुक्त भएका छन् ।
हाल ५ हजार ९९७ संक्रिय संक्रमित छन् ।
हाल ९७ जना क्वारेन्टाइनमा, ११५ जना आइसीयू र ३१ जना भेन्टिलेटरमा रहेको मन्त्रालयले जनाएको छ ।
