बारा । जितपुर सिमरा उपमहानगरपालिका–१ टेलिकम नजिकै बुधबार बेलुकी अटो रिक्सा पल्टिँँदा १३ दिने बालिकाको मृत्यु भएको छ भने अन्य २ जना घाइते भएका छन् ।
बेलुकी ८ बजे विकासशील चोकबाट सिमरातर्फ जाँदै गरेको ना २ ह ५३ १६ नम्बरको अटो रिक्सा अनियन्त्रित भएर पल्टिँदा सोही ठाउँका रविन कार्कीकी १३ दिने छोरी इभाको मृत्यु भएको हो ।
उपचारको लागि वीरगञ्ज स्थित वयोधा अस्पताल पुर्याउना साथ उनलाई डाक्टरले मृत घोषणा गरेका थिए ।
दुर्घटनामा घाइते भएका दुई जनाको सोही अस्पतालमा उपचार भइरहेको छ ।
रिक्सा सहित चालकलाई प्रहरीको नियन्त्रणमा लिएको छ ।
