गत सोमबार सर्लाहीमा भएको कार्यकर्ता भेटघाटमा शशांकले नेता सिंहलाई काठमाडौंबाहिर धेरैले नचिन्ने टिप्पणी गरेका थिए । नेता सिंहले काठमाडौंबाहिर चिन्दैन भन्नेलाई महाधिवेशनमा देखाउने जवाफ फर्काएका थिए ।
स्रोतका अनुसार छलफलको सुरुवातमै महामन्त्री कोइरालाले आफूले दिएको अभिव्यक्तिप्रति माफी मागेका थिए । ‘मैले अनौपचारिक कार्यक्रममा भनेको हुँ, तपाईं कमजोर हुनुहुन्छ भन्न खोजेको होइन’ महामन्त्री कोइरालाको भनाइ उधृत गर्दै उनी निकट एक नेताले भने ।
जवाफमा सिंहले पनि आफूले पनि जवाफ दिएको बताएका छन् । दुबै नेताबीच अब यो विषयलाई अगाडि नबढाउने र एक अर्काबीच व्यक्तिगत टिप्पणी नगर्ने सहमति भएको नेता सिंहनिकटका एक नेताले बताए ।
दुई नेताबीच पार्टीको १४ औं महाधिवेशनमा मिलेर जाने विषयमा कुराकानी भएको छ ।
