काठमाडौं, । कोरोना संक्रमण भई अस्पतालमा उपचाररत पूर्वराजा ज्ञानेन्द्र शाह र पूर्वरानी कोमल शाहलाई अक्सिजनको सपोर्ट दिन थालिएको छ ।
स्वासप्रश्वासमा समस्या नआओस् भनेर अक्सिजनको सहायता थपिएको अस्पतालले जनाएको हो ।
कोरोना संक्रमित भएपछि पूर्व राजदम्पत्ति शनिबार दिउँसो नर्भिक अस्पतालमा भर्ना हुनुभएको हो ।
उहाँहरुसँगै अस्पताल भर्ना हुनुभएकी छोरी प्रेरणा शाहलाई भने अक्सिजन दिन नपरेको पनि अस्पतालले जनाएको छ ।
भारतको कुम्भ मेलामा सहभागि हुन जानुभएका शाह दम्पत्तिलाई भारतबाट फर्किएलगत्तै कोरोना संक्रमण भएको पुष्टि भएको थियो ।
