काठमाडौं । आइतबार बिहान बसेको स्थायी समितिको बैठकले वरिष्ठ नेता माधवकुमार र झलनाथ खनाल समूहका नेताहरु थप कारबाही गर्ने निर्णय तत्काललाई टरेको छ ।
स्थायी समितिको बैठकपछि बसेको एमाले महाधिवेशन कमिटीको बैठकले नेपाल–खनाल समूहका सांसदलाई तत्काल कारबाही नगर्ने तर, सुक्ष्म अनुसन्धान भने गर्ने निर्णय गरेएको छ ।
परराष्ट्रमन्त्री एवं पार्टीका प्रवक्ता प्रदीप कुमार ज्ञवालीका अनुसार बैठकले नेपाल–खनाल समूहका सांसदलाई कारबाही गर्नेबारे छलफल भएपनि तत्काल कारबाही नगरी ‘उपयुक्त समयमा गर्ने’ निर्णय भएको छ ।
यद्यपि, बैठकमा नेपाल समूहले पार्टीभित्र सरकार ढाल्ने र कमजोर बनाउने षड्यन्त्र भइरहेको निष्कर्ष निकालिएको प्रवक्ता ज्ञवालीले बताएका छन् । यसअघि शुक्रबार नै कमिटीको बैठक बसेको थियो ।
उक्त बैठकले कर्णालीमा फ्लोर क्रस गर्ने चार जना सांसदलाई पार्टीबाट निष्कासन गरेको थियो । त्यस्तै, २ सय ६५ जना केन्द्रीय नेताहरुको कार्यविभाजन पनि गरेको थियो ।
बैठकले नेपाल–खनाल समूहलाई हटाएर पूर्वमाओवादीका नेताहरुलाई समेटेर अघि बढेको छ ।
