काठमाडौँ। नेपालमा पछिल्लो २४ घण्टामा देशभर ५५९ जना कोरोना संक्रमित थपिएका छन् । योसँगै नेपालमा कोरोना संक्रमितको कुल संख्या २ लाख ८० हजार ५२४ पुगेको छ ।
यसअवधिमा ४ हजार ३७८ पीसीआर तथा ७ हजार २७ जनाको एन्टीजेन परीक्षण गरिएको थियो ।
जसमध्ये पीसीआरबाट ४९६ जना र एन्टीजेन परीक्षणबाट ६३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यस्तै, पछिल्लो २४ घण्टामा १३८ जना संक्रमणमुक्त भइ डिस्चार्ज भएको मन्त्रालयले जनाएको छ ।
सोमबार कोरोना भाइरस संक्रमणबाट मृत्यु हुनेको संख्या अहिले सम्मकै उच्च १३ रहेको छ । योसँगै हालसम्म मृत्यु हुनेको सङ्ख्या ३ हजार ०५३ पुगेको छ ।
हिजो नेपालमा ३६७ जना संक्रमित थपिएका थिए।
