काठमाडाैँ । नेपाली कांग्रेसले पदाधिकारी बैठक बोलाएको छ । सभापति शेरबहादुर देउवाको आह्वानमा बस्ने बैठकमा पार्टीका पूर्व-पदाधिकारी तथा प्रभावशाली नेताहरुको पनि सहभागिता रहने छ ।
पार्टी कार्यालय सानेपामा दिउँसो २ बजे बैठक बोलाइएको पार्टी मुख्य सचिव कृष्ण पौडेलले जानकारी दिनुभयो । उहाँका अनुसार सोमबार बस्ने केन्द्रीय कार्यसमिति बैठकका लागि एजेण्डा तय गर्न सभपाति देउवाले बैठक बोलाउनुभएको हो ।
आजको बैठकमा नयाँ सरकार गठनको विषयमा छलफल हुने भएको छ । साथै माओवादी केन्द्र र जसपासँग सत्ता-समीकरणका लागी भइरहेको प्रयास तथा छलफलको समिक्षा गर्ने र थप रणनीति तय गर्ने पनि जनाइएको छ । मुख्यसचिव पौडेलका अनुसार बैठकमा १४ औं महाधिवेशनलाई केन्द्रबिन्दुमा राखेर नेताहरुबीच छलफल हुनेछ ।
