काठमाडौँ । नेकपा माओवादी केन्द्रले कारबाही गरेका ४ जना मन्त्रीको सांसद पद गुमेकाे घाेषणा हुने भएको छ । प्रधानमन्त्री केपी शर्मा ओली नेतृत्वको सरकारमा रहेका ती मन्त्रीहरु माओवादी केन्द्र छाडेर एमालेमा प्रवेश गरेका थिए । सोही क्रममा माओवादी केन्द्रले कारबाही गरेपछि उनीहरुको सांसद पद गुमेको हो ।
माओवादी केन्द्रले पठाएको पत्रअनुसार सभामुख अग्निप्रसाद सापकोटाले हाल ओली सरकारमा रहेका ऊर्जामन्त्री टोपबहादुर रायमाझी, उद्योगमन्त्री लेखराज भट्ट, श्रममन्त्री गौरीशंकर चौधरी र सहरी विकास मन्त्री प्रभु साह संसदको सदस्य नरहेको घोषणा गर्ने बताइएको छ ।
गत मंगलबार माओवादी केन्द्रले उनीहरुलाई सांसद पदबाट हटाउन संसद सचिवालयलाई पत्र पठाएको थियो । प्रधानमन्त्री ओलीले प्रतिनिधि सभा विघटन गर्दा साविक नेकपाका केही मन्त्रीहरु सरकारबाट बाहिरिएका थिए । सोहीक्रममा माओवादी खेमाका यी मन्त्रीहरु सरकारमा गएका थिए ।
दिउँसाे १ बजे प्रतिनिधिसभा बैठक बस्दै छ ।
