काठमाडौँ / रामेछापमा नेपाल पत्रकार महासंघको निर्वाचनमा संयुक्त प्यानलका उम्मेद्वर बद्री नयाँघरे बिजयी भएका छन् ।
बुधबार भएको निर्वचन मार्फत नयाँघरेले प्रतिद्वन्दी स्वतन्त्र उम्मेद्वरी दिएका सुमित श्रेष्ठ र प्रेस चौतारीका सौजन्य सत्याललाई हराउदै नयाँघरे बिजयी भएका हुन् । उनले ६ मतले स्वतन्त्र उम्मेद्वरी दिएका श्रेष्ठलाई हराएका हुन् । कूल खसेको ७३ मत मध्ये नयाँघरेले ३९ र श्रेष्ठले ३३ मत पाएका छन् । भने चौतारीका उम्मेद्वार सत्यालले १ मत पाएका छन् । जिल्लामा तीन जनाको उम्मेद्वरी परेको थियो ।
नेपाल प्रेस युनियन र प्रेस संगठनको संयुक्त प्यानलबाट नयाँघरेको नेत्रित्वमा प्यान नै बिजयी भएको हो ।
त्यस्तै उपाध्यक्षमा प्रेस युनियन र प्रेस संगठनको संयुक्त प्यानलका कैलाश खत्री ४४ मत प्राप्त गर्दै बिजयी भएका छन् । उनका प्रतिद्वन्दी चौतारीका युनिक बिफा घिसिङ्ले २८ मत प्राप्त गरेका छन् ।
त्यस्तै महिला उपाध्यक्षमा रिता कुमारी मगर ४१ मत पाउदै बिजयी भएकी छन् । उनकी प्रतिद्वन्दी शान्त श्रेष्ठले ३२ मत पाएकी छिन् ।
त्यस्तै सचिवमा तुलसीदेवी श्रेष्ठ ४२ मत पाउदै बिजयी भएकी छन् । उनका प्रतिद्वन्दी नवराज श्रेष्ठले २७ मत प्राप्त गरेका छन् ।
त्यस्तै सह-सचिव खुल्लामा रामचन्द्र बिक ४६ मत पाउदै विजयी भएका छन् । उनका प्रतिद्वन्दी डोर बहादुर बरुवालले २७ मत पाएका छन् ।
त्यस्तै सह-सचिव समावेशीमा सम्बर बहादुर हायु ४७ मत पाउदै बिजयी भएका छन् । उनका प्रतिद्वन्दी दिपक तामाङ्ले २६ मत पाएका छन् ।
त्यस्तै कोषध्यक्षमा युवराज श्रेष्ठले ४९ मत ल्याउदै बिजयी भएका छन् । उनका प्रतिद्वन्दी लेख बहादुर बिकले २३ मत पाएका छन् ।
त्यस्तै दलित सदस्यमा मिलन बिक (घिमिरे) ४७ मत पाउदै बिजयी भएका छन् । उनका प्रतिद्न्दी बिन्दीरा रसाईलीले २५ मत पाएकी छन् ।
त्यस्तै महिला सदस्यमा निरु थापा ४८ मत पाउदै बिजयी भएकी छन् । उनकी प्रतिद्न्दी निशा कार्कीले २५ मत पाएकी छन् ।
त्यस्तै सदस्यहरुमा अनिता थापा मगर, निरोज श्रेष्ठ, राजन महतारा क्षेत्री, कुमार श्रेष्ठ, सरोज सुबदी बिजयी भएका छन्।
त्यस्तै टिका भट्ट, हिमाल ढुङ्गेल र दिपक भट्ट राष्ट्रिय सभा सदस्यमा बिजयी भएका छन् । त्यस्तै अप्रिल अधिकारी, मञ्जु उप्रेती (अधिकारी), दिपक घिमिरे, सन्तोष ढुङ्गेल र उमंग मैनाली प्रदेश सभा सदस्यमा बिजयी भएका छन् ।
बुधबार भएको निर्वाचनमा जिल्लामा सबै पदको लागि मतादान भएको हो । जिल्लामा कूल ७७ मत् मध्ये ७३ मत् खसेको थियो ।
नेपाल पत्रकार महासंघ रामेछाप जिल्ला अध्यक्ष बद्रि नयाँघरे लगाएत सम्पूर्ण टिमका साथिहरुलाई हार्दिक बधाई तथा सफल कार्यकालको शुभकामना व्यक्त गर्न चाहान्छु ।
जन आवाज मिडिया हव प्रालि परिवार तथा प्रबन्धक निर्देशक नेत्र बहादुर कार्की ।
