काठमाडौं,/ नवनियुक्त महान्यायाधिवक्ता रमेश बडालले आइतबार पद तथा गोपनियताको सपथ लिनुभएको छ ।राष्ट्रपति भवन शीतलनिवासमा आयोजित कार्यक्रममा राष्ट्रपति विद्यादेवी भण्डारीको उपस्थितीमा प्रधानन्यायाधिश चोलेन्द्र शमशेर राणाले शपथ गराउनुभएको हो ।
कार्यक्रममा प्रधानमन्त्री केपी शर्मा ओली, उपराष्ट्रपति नन्द बहादुर पुन, राष्ट्रियसभा अध्यक्ष गणेश प्रसाद तिमल्सीना, कानुनमन्त्री लीलानाथ श्रेष्ठ, नेपाल बार एशोसीएसनका अध्यक्ष चण्डेश्वर श्रेष्ठ लगायतको उपस्थिती थियो ।
तर सभामुख अग्नी सापकोटा भने कार्यक्रममा सहभागी हुनुभएन ।प्रधानमन्त्री केपी शर्मा ओलीले गत शुक्राबार अधिवक्ता बडाललाई महान्यायाधिवक्ता नियुक्त गर्नुभएको होे ।
निवर्तमान महान्यायाधिवक्ता अग्नी खरेलले राजीनामा दिए लगत्तै प्रधानमन्त्री ओलीले अधिवक्ता बडाललाई महान्यायाधिवक्ता नियुक्त गर्न सिफरिस गर्नुभएको थियो ।नवनियुक्त महान्यायाधिवक्ता बडालले प्रतिनिभिसभा विघटनको मुद्दामा प्रधानमन्त्री ओलीको तर्फबाट बहस गर्नुभएको थियो ।फागुन ६ गते निवर्तमान महान्यायाधिवक्ता खरेलले सक्रिय राजनीतिक जीवनमा नै फर्किने भन्दै पदबाट राजीनामा दिनुभएको थियो ।
