तपाइलाई जानेर हैरानी पनि होला संसारमा यस्तो एउटा देश छ जहाँ ८३ रुपैयाँमा घर बिक्री भइरहेको छ । यो कुरा सत्य हो । इटालीमा ८३ रुपैयाँ तिरेर हजारौं विदेशीले घर किनिरहेका छन् ।
यति सस्तो घर इटालीको सिसली आइल्याण्डमा बिक्री भइरहेको छ । १४ औं शताब्दीमा बसेको यो गाउँ जंगली शहरमा बदलिएको छ, जहाँ धेरै घरहरु जीर्ण छन् ।
यही कारण यहाँका मानिसहरु गाउँ छोडेर शहरमा बसाइ सरेका छन् । यहाँका घरहरू खाली छन्, जुन स्थानीय प्रशासनले बेच्दै आएको छ।
यसको स्थानीयहरुले विरोध गरेका छन् । उनीहरुको आरोप छ, प्रशासनले उनीहरुको घर बेचिरहेको छ । घर बेचेकोमा स्थानीयले विरोध समेत गरेका छन् ।
यसको बारेमा प्रतिक्रिया दिँदै मेयर लिओलुका भन्छन्, ‘म यस गाउँको बस्ती विस्तार गर्न चाहान्छु , त्यसैका कारण यहाँका घरहरु ८३ रुपैयाँमा बिक्री गरिएको हो ।’
यति कम पैसामा घर पाइने भएपछि देश विदेशबाट घर किन्नेको भीड लागेको छ । हजारौ विदेशीले घर किनिसकेका छन् ।
